Nuut: Super Seniors-werkswinkels vir aftree-oorde, kerke en gemeenskapsgroepe. Bespreek vir julle groep
SUPER SENIORS Bespreek 'n werkswinkel

MET KI AS SLIM-GENOOT

Super Seniors

Ouer word is onvermydelik. Hoe jy ouer word, is grotendeels jou eie keuse. Ons kom na julle aftree-oord, kerk of groep en wys hoe 'n soepel, veerkragtige lewe lyk, en hoe KI daarby kan help.

'n Inisiatief van Future Sharp · aangebied deur prof. Ignatius Gous

WAT DIE NAVORSING SÊ

Jou brein is in jou hande

95%van jou kognitiewe toekoms word deur jou leefstyl bepaal, nie deur jou gene nie.

Navorsers stem al hoe meer saam: hoe jy dink, beweeg, eet, slaap en met ander mense omgaan, maak 'n groot verskil aan hoe jou brein ouer word. Jou brein kan boonop tot in jou negentigerjare nuwe selle vorm. Jy is dus nooit te oud om iets nuuts te leer nie.

Oud word is biologies onvermydelik. Hoe jy oud word, is 'n keuse.

Grafiek: die gaping tussen jou lewensduur en jou breingesondheid, en hoe Future Sharp help om dit te verklein

DIE SOePEL-RAAMWERK

Vyf dinge wat jou brein soepel hou

SOePEL is 'n maklike manier om te onthou waarop dit regtig aankom. Elke letter is 'n gewoonte wat jy vandag al kan begin, en in elkeen kan KI 'n handjie bysit.

'n Man slaap rustig
SSlaap

Terwyl jy slaap, ruim jou brein self op. Goeie rus is nie luiheid nie, dit is onderhoud.

'n Vrou rek buite in die oggendson
OeOefen

Beweging is van die beste dinge wat jy vir jou brein kan doen, op enige ouderdom.

'n Paartjie gesels oor koffie
PPraat

Gesprekke en vriendskappe hou jou brein wakker. Om verbind te bly, beskerm jou.

'n Vrou geniet 'n gesonde ete buite
EEet

Wat op jou bord kom, voed ook jou brein. Klein veranderinge tel op.

'n Vrou leer iets nuuts op haar tablet
LLeer

Elke keer as jy iets nuuts leer, ook nuwe tegnologie, bou jy nuwe verbindings in jou brein.

KI AS SLIM-GENOOT

KI is reeds deel van jou lewe

Dit sit in jou banktoepassing, in jou GPS en in die foon in jou hand. Die vraag is nie meer of KI hier is nie, maar of jy dit bewustelik en slim gaan gebruik.

As jy 'n foto op WhatsApp kan stuur, kan jy met KI praat. Ons wys jou stap vir stap hoe, in jou eie taal en teen jou eie tempo.

'n Ouer paartjie lag saam oor iets op 'n tablet by die see
BBegeleier

KI verduidelik dinge in eenvoudige taal en gee agtergrond wanneer jy dit nodig het.

Verduidelik vir my wat my nuwe medisyne doen.
OOndersteuner

KI help jou om nuwe gewoontes te bou en elke dag 'n klein stappie te neem.

Help my met 'n eenvoudige stapprogram vir iemand van 72.
MMeet-Maat

KI help jou om jou vordering dop te hou en jou doelwitte by te stel.

Ek het hierdie week drie keer gestap. Hoe vaar ek?

KI is jou reisgenoot, nie jou baas nie. Jy bly die een wat besluit.

WERKSWINKELS

Super Seniors by julle aftree-oord, kerk of groep

Ons kom na julle toe. Prof. Ignatius Gous maak die navorsing oor veroudering en die brein eenvoudig en prakties, met voorbeelde wat mense dieselfde week kan gebruik. Niemand hoef vooraf iets van rekenaars of KI te weet nie.

Elke werkswinkel word by julle groep aangepas. Vul die vorm hieronder in, dan kontak ons julle met 'n voorstel en kwotasie.

Jou brein is in jou hande

Wat die navorsing oor 'n gesonde, ouer brein sê, en die vyf SOePEL-gewoontes wat 'n verskil maak.

Kan ek KI?

'n Rustige eerste kennismaking met KI op jou eie foon. Jy weet al meer as wat jy dink.

Kul KI my?

Hoe jy KI veilig gebruik, jou inligting beskerm en bedrog en vals nuus herken.

SOePEL met KI

Hoe KI jou kan help om beter te slaap, meer te beweeg, verbind te bly, slim te eet en aan te hou leer.

Bespreek 'n werkswinkel

Of stuur 'n e-pos na info@futuresharp.co.za.

'n Ouer man lag terwyl hy op sy skootrekenaar met familie gesels

OOM KOBUS · 74 · AFGETREDE INGENIEUR

"Ek is te oud vir sulke goed, kind."

Oom Kobus het sy lewe lank brûe en paaie gebou. Ná sy aftrede en die dood van sy vrou het die wêreld vir hom stil geword. Toe sê sy kleindogter: "Oupa, vra net vir die KI enigiets." Hy het gelag, maar dit tog probeer, stadig, een letter op 'n slag.

Die antwoord was duidelik, geduldig en in sy eie taal. Die volgende dag het hy weer gevra, oor sy knieë, sy tuin en 'n brief aan sy kind.

Jy hoef nie alles te weet nie. Jy hoef net bereid te wees om een vraag te vra.
IG

AANBIEDER

Prof. Ignatius Gous

Emeritus professor van Unisa met meer as 40 jaar in onderrig en navorsing oor die brein, die verstand en leer. Hy is mede-direkteur van Future Sharp en het die Super Seniors-reeks ontwerp om seniors met selfvertroue, krities en doelgerig met KI te laat werk.

Sy werkswinkels is warm, met 'n knippie humor, en altyd prakties: "ons kuier saam oor 'n koppie koffie."